Зам тээврийн ослоор амиа алдагсдын тоо 47.1 хувиар буурчээ

2016 оны нэгдүгээр сарын байдлаар улсын хэмжээнд зам тээврийн ослын улмаас 18 хүн амиа алджээ.Улаанбаатар хотод ес, хөдөө орон нутгийн замд мөн есөн хүн амиа алдсан байна.

Энэ нь өнгөрсөн оны мөн үетэй харьцуулахад 47.1 хувиар буурсан үзүүлэлт болохыг Замын цагдаагийн газраас мэдээллээ.Өөрөөр хэлбэл 2015 оны нэгдүгээр сард улсын хэмжээнд зам тээврийн ослоор 34 хүн амиа алдсан байна.