Улаанбаатарт суугаа гадны иргэд Туул голыг хамгаалахаар нэгджээ

Нийслэлчүүд бидний ундны усны эх үүсвэр болсон Туул голын бохирдол сүүлийн үед анхаарал татсан сэдвийн нэг болоод байгаа. Иргэдийн хэнэггүй байдлаар хаясан хог, Туул голын эрэг дагуух  элс хайрганы олборлолт явуулж буй компаниудын  үйл ажиллагаа зэргээс үүдэн жилээс жилд хатан туулын  бохирдол нэмэгдэж буй.

Тэгвэл Туул голын энэ бохирдолд Улаанбаатар хотод амьдардаг гадны иргэд анхаарал хандуулж эхэлсэн байна. Тэд өнгөрсөн амралтын өдрүүдэд Туул голыг хамгаалахаар хандив цуглуулахын тулд олон нийтийг хамарсан гүйлтийн тэмцээн зохион байгуулжээ.