МҮОХ-ны дэд ерөнхийлөгчид нэр дэвшээд байсан Х.Баттулга нэрээ татжээ

Монголын Үндэсний олимпийн хорооны ээлжит  хурал энэ сарын 24-нд болно. Хурлаар МҮОХ-ны ерөнхийлөгч, дэд ерөнхийлөгч, Гүйцэтгэх зөвлөлийн гишүүдийг сонгоно. Тэгвэл Олимпийн хорооны ерөнхийлөгч болоод дэд ерөнхийлөгчид улс төрчид олноороо нэрээ дэвшүүлсэн тухай бид мэдээлж байсан.

Тухайлбал МҮОХ-ны ерөнхийлөгчид одоогийн ерөнхийлөгч Д.Загдсүрэнгээс гадна УИХ-ын гишүүн асан Э.Мөнх-Очир, УИХ-ын гишүүн асан Я.Батсуурь нар нэрээ дэвшүүлээд байсан.

Харин дэд ерөнхийлөгчийн албан тушаалд УИХ-ын гишүүн, сайд асан, Жүдо бөхийн холбооны ерөнхийлөгч Х.Баттулга, Ерөнхий сайд асан Сү.Батболдын хүү Б.Баттүшиг нар нэр дэвшсэн юм. Тэгвэл өнгөрсөн баасан гаригт тэрбээр нэрээ татах шийдвэр гаргаснаа албан ёсоор мэдэгджээ.