Гадаад худалдааны эргэлт 1,3 тэрбум ам.долларт хүрчээ

Төв банкнаас өнөөдөр өгсөн мэдээллээр манай улсын гадаад худалдаанд нэлээд эерэг хандлагууд ажиглагдаж эхэлжээ. Хоёрдугаар сарын байдлаар гадаад худалдааны эргэлт 1,3 тэрбум ам.долларт хүрсэн байна. Үүнийн 825 сая ам.долларыг экспорт, үлдсэнийг нь импорт эзэлж, худалдааны тэнцэл 334 сая ам.долларын ашигтай гарсан байна. Ашигтай гарахад гол нөлөө үзүүлсэн хүчин зүйл нь экспортыг өсөлт байсан гэв. Нүүрсний салбарын экспорт гэхэд өмнөх оны мөн үеэс 280 сая ам.доллараар өссөн байна. Экспортын биет хэмжээ нэмэгдэж байгаагаас гадна үнийн өсөлт нөлөөлжээ. Өнгөрсөн оны мөн үетэй харьцуулахад нүүрсний үнэ 105 хувиар өссөн дүн мэдээ гарчээ.

 

П.ГОО

Оллоо.мн