“Зөн билгийн тулаан” нэвтрүүлгийг албан ёсны эрхтэйгээр хийхээр болжээ

Зургаа дахь мэдрэхүй нь өндөр хөгжсөн, далд  ертөнцтэй харьцаж, өнгөрсөн, одоо, ирээдүйг  мэдэрч чаддаг хүмүүсийг зөн билэгтэн гэдэг. Тэдгээр зөн билэгтнүүдийн дунд зохиогддог онц сонирхолтой “Зөн билгийн тулаан” нэвтрүүлгийг манайхан андахгүй.

Тэгвэл уг нэвтрүүлэг удахгүй албан ёсны эрхтэйгээр хийгдэхээр болжээ. Тодруулбал “NTV” телевиз  нэвтрүүлгийг албан ёсны эрхтэйгээр Монгол улсад хийхээр болж, бэлтгэл ажилдаа оржээ. Одоогоор оролцогчдыг бүртгэх ажил явагдаж байгаа аж. Энэхүү нэвтрүүлэгт орох  хүсэлтэй иргэд “NTV” телевизийн байранд өөрийн биеэр очиж бүртгүүлэхээс гадна, онлайнаар бүртгүүлэх боломжтой юм байна.

Дашрамд дуулгахад, Их Британийн телевизийн “Psychic Challenge” шоу нэвтрүүлгийн зохиогчийн эрхийг Нидерландийн “Тв медиа партнерс” болон Норвегийн “Голланд & Нордикс фильм” компани эзэмшдэг бөгөөд АНУ, Австрали, Украин, Болгар, ОХУ гэх мэт дэлхийн 20-иод улсад албан ёсны форматаар үзэгчдэд хүрч байжээ.