Интерполын олон улсын форум болно
Арабын Нэгдсэн Эмират Улсын нийслэл Абу Даби хотноо энэ сарын 28-наас 30-ны өдрүүдэд “Аюулгүй байдлын төлөөх эв нэгдэл” сэдвийн дор зохиогдож буй Интерполын олон улсын форум болно. Энэхүү форумд Хууль зүй, дотоод хэргийн сайд С.Бямбацогт оролцоно.
Энэ удаагийн форумыг Арабын Нэгдсэн Эмират Улсын Засгийн газрын ивээл дор зохион байгуулж байгаа бөгөөд терроризм, цахим гэмт хэрэг, урлагийн бүтээлийн хулгай, хуурамч бараа бүтээгдэхүүний худалдаатай тэмцэх, хүн худалдаалах, тээврийн хэрэгслийн хулгай, хар тамхины хууль бус наймаа зэрэг гэмт хэрэгтэй тэмцэх чиглэлээр хэрэгжүүлэх долоон төслийн хүрээнд санал солилцох юм.
П.ГОО
Оллоо.мн
