107-р сургуулийн багш нар сар гаруй цалингаа аваагүй гэв

Нийслэлийн Сонгинохайрхан дүүргийн 107-р сургуулийн багш, ажилчид сар гаруйн хугацаанд цалингаа авч чадаагүй байгаа тухайгаа мэдээллээ. Багш нарын хэлж буйгаар 2017 оны хоёрдугаар сарын 21-ний өдрөөс хойш цалин аваагүй байна.

Энэ нь гуравдугаар сарын 7-нд тус сургуулийн захирал Ш.Цэрэннадмидийг  үүрэгт ажлаас нь халсантай холбоотой аж. Харин багш нар  захирлыгаа ямар үндэслэлээр халагдсаныг нь мэдээгүй байна.

Ямартай ч багш нар захирлыг нь халсантай холбоотой үүссэн цалин тавих асуудлыг холбогдох  яам, тамгын газрынхан яаралтай шийдвэрлэж өгөхийг хүслээ.