Мазаалайн сүрэгт ихэр бамбарууш мэндэлжээ

Мазаалайн сүрэг энэ жил ихэр бамбаруушаар бүл нэмжээ. Тодруулбал Говийн их дархан цаазат газар орчим ихэр бамбаруушаа дагуулсан эвш байгаль хамгаалагчидтай таарсан байна. 

Урд жил мөн ихэр бамбаруушаа дагуулсан эвш Монгол-Алтайн нуруу, Говь-Алтайн нуруу хоорондын хотгорт байрлуулсан камерт өртсөн байдаг. Ийнхүү говийн баавгайн сүрэг өсөж байгаа бөгөөд энэ сарын 7-ны өдөр “Говийн их дархан цаазат газар”-ын “Говийн баавгай” судалгааны баг, ШУ-ны академийн Ерөнхий болон сорилын биологийн хүрээлэн, олон улсын “Баавгай” нийгэмлэг нас бие гүйцсэн дөрвөн эр мазаалайд шинээр хүзүүвч зүүжээ.