Төв талбайд шинээр төрсөн хүүхдүүдийн төрсний гэрчилгээг олгох үйлчилгээг үзүүлж байна

Хууль зүй, дотоод хэргийн салбарын “Нээлттэй хаалга”-ны өдөрлөг өнөөдөр эхэллээ. Тус өдөрлөгийн хүрээнд ОӨУБЕГ-аас иргэдэд мэдээлэл, зөвлөгөө өгөхөөс гадна зарим үйлчилгээг газар дээр нь үзүүлж байна. Тодруулбал, шинээр байгуулагдсан хуулийн этгээдийг улсын бүртгэлд бүртгүүлэхэд бүрдүүлэх, хуулийн этгээдийн мэдээлэлд оруулсан өөрчлөлтийг улсын бүртгүүлэхэд бүрдүүлэх, зохиогчийн эрх, аж үйлдвэрийн өмчийн эрх,эд хөрөнгийн эрхийн бүртгэлийн баримт бичгийн талаар мэдээлэл өгч, бичиг баримтаа бүрэн бүрдүүлж ирсэн тохиолдолд гэрчилгээг газар дээр нь олгож байна.

Харин Иргэний бүртгэлийн газраас гадаад паспортын сунгалт, шинээр олголт, шинээр төрсөн хүүхдийн төрсний гэрчилгээг олгох зэрэг үйлчилгээг үзүүлэх юм.Түүнчлэн иргэдэд ТҮЦ машинаар үйлчилж, дараах лавлагаа мэдээллийг өгнө. 

Үүнд:

-Хуулийн этгээдийн бүртгэлийн лавлагаа 

-Үл хөдлөх хөрөнгийн лавлагаа 

-Хуулийн этгээд бүртгэлгүй лавлагаа 

-Гэрлэлт бүртгэлгүй тухай лавлагаа 

-Оршин суугаа хаягийн тодорхойлолт 

-Гэрлэлт бүртгэлтэй тухай лавлагаа 

-Төрсний бүртгэлийн лавлагаа 

-Иргэний үнэмлэхний лавлагаа 

-Гэрлэлт цуцлалтын бүртгэлийн лавлагаа