Пёнчан 2018: Медалийн чанараар Герман тэргүүлж байна

"Пёнча -2018" Өвлийн XXIII олимпийн наадам өчигдөр дөрөвдэх өдрөө үргэлжиллээ.

Өчигдрийн байдлаар биатлон, тэшүүр, гүйлтийн цана, уран гулгалт зэрэг төрлүүдэд 18 багц медалийн эзэд тодроод байна. Дөрвөн өдрийн дараах медалийн жагсаалтаас харахад Герман 4 алт, 1 мөнгө, 2 хүрэл медаль хүртсэн амжилтаар тэргүүлж байгаа бол Нидерланд, АНУ 3 алт, Норвеги, Франц, Канад 2 алтан медальтай удаалж байгаа юм.

Наадмыг зохион байгуулагч БНСУ-ын хувьд шорт-трекийн төрлөөс нэг алтан медаль авч наймдугаар байрт бичигдэж байгаа бөгөөд 18 орон ямар нэгэн медаль хүртээд байна.