Шинийн 14-нд үнэ төлбөргүй ном айлдана
“Тийн унжлагат” хэмээх шороон нохой жилийн хаврын тэргүүн сарын шинийн 14-ний Өндөр Гэгээний их дүйчин өдөр Гандантэгчинлэн хийдийн лам нар сүсэгтэн олонд зориулж ном айлдах гэж байна.
Тодруулбал, Монголын бурханы шашинтны төв Гандантэгчинлэн хийдийн Тэргүүн их хамба, гавж Д.Чойжамц сүсэгтэн олонд ном айлдаж, Гандантэгчинлэн хийдийн Хансүр, гавж Ё.Амгалан ламтан хүмүүний насны цөв, барцадыг арилгаж, насыг уртасгах “Цагаан Дарь-Эх” бурханы Насны авшиг хайрлана.
Энэхүү дээдийн номын айлдвар нь гуравдугаар сарын 01-ний 10.00 цагт Буянт-Ухаа спорт цогцолборт үнэ төлбөргүй болно.
Г.Зул
