АТГ-аас эрх бүхий албан тушаалтнуудыг цуглуулна

Авлигатай тэмцэх газраас төрийн захиргааны болон нутгийн захиргааны байгууллагуудад ажилладаг эрх бүхий албан тушаалтнуудыг энэ сарын 28-ны өдөр цуглуулан хэлэлцүүлэг зохион байгуулах гэж байна.

“Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийг бүртгэх, хадгалах эрх бүхий албан тушаалтны үйл ажиллагааны журам”, “Албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн талаар мэдээлэх, мэдээлэл өгөх журам” болон “Албан тушаалтан өөрт ногдуулсан сахилгын шийтгэлийн талаарх мэдээллийг холбогдох этгээд болон нийтэд өөрийн зардлаар хүргэх арга хэмжээний журам”-ын төслийг Авлигатай тэмцэх газраас шинэчлэн боловсруулжээ. Тиймээс дээрх журмуудыг Захиргааны ерөнхий хуулийн 6 дугаар бүлгийн холбогдох зүйл, хэсэг, заалт болон УИХ-ын Хууль зүйн байнгын хорооны тогтоолд нийцүүлэн, захиргааны хэм хэмжээний актын улсын нэгдсэн бүртгэлд бүртгүүлэн хэрэгжүүлэх, мөн сонирхогч бүлгүүдээр хэлэлцүүлэх, тэдний санал бодлыг тусгах шаардлагатай байгаа ажээ.

Энэ зорилгоор яам, агентлаг, нийслэл, дүүргийн 90 гаруй эрх бүхий албан тушаалтныг хамруулсан нэгдсэн хэлэлцүүлгийг есдүгээр сарын 28-ны өдөр “Олон нийтийн төв”-д зохион байгуулахаар бэлтгэл ажлыг ханган ажиллаж байна.

Х.Хулан