Шинэ Зеландын тэрбумтныг баривчиллаа

Австралийн цагдаагийнхан Фижи арал руу аялахаар явж байсан тэрбумтан, бизнесмен Рон Брирлийг уржигдар Сидней хотын олон улсын нисэх онгоцны буудалд баривчилсан байна.

Түүнийг насанд хүрэгчдэд зориулсан киног хадгалж байсан гэж буруутгажээ. Мөн Рон Брирлиг Австралийн Шинэ Өмнөд Уэльс мужийн цагдаагийнхан өнгөрсөн наймдугаар сараас мөрдөж байсан аж. Зөөврийн компьютерээс нь садар самуун сурталчилсан кино олсон эрх баригчид түүнийг баривчилсан гэж "АВС" телевиз мэдээлсэн байна. Шинэ Зеландад төрсөн 82 настай Рон Брирли нь барьцаа төлж суллагдсан байна. Гэхдээ Сидней хотын шүүхэд ирэх хоёрдугаар сарын 10-нд очих ёстой аж. Тэр болтол Рон Брирли Пойнт Пипер дүүрэг дэх харшдаа амьдрах юм байна.

 

Эх сурвалж: Зууны мэдээ сонин
0 Сэтгэгдэл
Inline Feedbacks
View all comments
Back to top button