Л.Мөнхтүшиг: Өнөө өглөө Нурсултан хотоос иргэдээ авах нислэг хөөрсөн
УОК-ын Шуурхай штабаас цаг үеийн асуудлаар мэдээлэл хийлээ. Өнөөдрийн байдлаар нийслэл, орон нутгийн 27 байршил дээр нийтдээ 1601 хүн тусгаарлалтанд байгаа аж. Өнгөрсөн долоо хоногт гэрийн ажиглалтанд 161 хүн шилжсэн байна.
Энэ үеэр ГХЯ-ны Консулын газрын дарга Л.Мөнхтүшиг мэдээлэхдээ: “УОК-ийн шийдвэрийн дагуу зургадугаар сарын нислэгүүдийн бэлтгэл хангагдаад эхний нислэгүүд амжилттай үйлдэгдээд явж байна. Өнөө өглөө Нурсултанаас иргэдээ татаж авах тусгай үүргийн нислэг хөөрсөн. Өнөө орой 19:35 цагаас буух урьдчилсан хувиартай байна. Энэ нислэгээр Монгол улсын 176 иргэн эх орондоо ирнэ. Үүнээс дөрөв нь нярай хүүхэд байгаа. Дараагийн нислэгүүдийг та бүхэнд өмнө нь танилцуулж байсан” гэв.
Тодруулбал,
2020.06.10-Бүгд Найрамдах Казахстан Улс, Нурсултан
2020.06.11-Япон, Токио
2020.06.15-БНЭУ
2020.06.17-БНСУ /транзит/
2020.06.18-БНСУ, Сөүл
2020.06.19-ХБНГУ, Франкфурт-руу тусгай нислэг үйлдэх юм.
Б.Сувдаа
