Гишүүд өнөөдөр тангаргаа өргөнө
Монгол Улсын Ерөнхийлөгч Х.Баттулга өнөөдөр зарлиг гаргалаа. Ерөнхийлөгчийн зарлигаар УИХ-ын найм дахь удаагийн сонгуулийн үр дүнд байгуулагдсан УИХ-ын Анхдугаар чуулганыг 2020 оны зургадугаар сарын 30-ны өдрийн 12:00 цагт товлосон байна.
Анхдугаар чуулганыг хуралдааныг энэ парламентын хамгийн өндөр настай гишүүн даргалан явуулдаг. УИХ-ын гишүүн Х.Баделхан даргалан явуулж, УИХ-ын даргаа сонгоно.
АНХДУГААР ЧУУЛГАНААР ХЭЛЭЛЦЭХ АСУУДАЛ:
УИХ-ын тухай хууль:
- 14.3.1. шинээр сонгогдсон гишүүдийн бүрэн эрхийг хүлээн зөвшөөрөх
- 14.3.2. Улсын Их Хурлын дарга, дэд даргыг сонгох
- 14.3.3. Байнгын болон дэд хороодын бүрэлдэхүүнийг баталж Байнгын хорооны дарга нарыг сонгох
- 14.3.4. Ерөнхий сайдыг томилох
- 14.3.5. Засгийн газрын бүтэц, бүрэлдэхүүний тухай хууль хэлэлцэн батлах
- 14.3.6. Засгийн газрын гишүүдийг томилох
- 14.3.7.Улсын Их Хурлын чуулганы хуралдааны дэгийг шинэчлэн батлах эсэх асуудлыг шийдвэрлэх
- 14.4. Анхдугаар чуулганаар зохион байгуулалтын бусад асуудлыг хэлэлцэн шийдвэрлэж болно.
- 14.5.Анхдугаар чуулганаар энэ хуулийн 14.3.7-д заасан асуудлаар санал хураалт явуулж, нийт гишүүний гуравны хоёроос доошгүй нь дэмжсэн бол Улсын Их Хурлын чуулганы хуралдааны дэгийг шинэчлэн батална.
О.ОНОН
