Эх орондоо ирэх иргэдийн нэрсийг гаргахдаа авлига нэхсэн талаарх асуудлыг шалгаж өгөхийг хүслээ

Дэлхий нийтэд нүүрлээд буй COVID-19 цар тахалт халдварын улмаас эх орондоо ирж чадахгүй гадаад улс орнуудад гацсан иргэдийн тоо хэдэн мянгад хүрээд байгаа. Тэгвэл АН-ын эмэгтэйчүүд "Иргэний онцгой комисс" байгуулан ажиллаж эхлээд удаагүй байгаа юм. Тэдний гол зорилго эх орондоо ирж чадахгүй гадаадад гацсан мэдээлэл дутмаг байгаа иргэд болон Улсын онцгой комиссын хооронд гүүр болж, туслах зорилготой юм.  Тэдэнд гадаад улс орнуудаас татах иргэдийн нэрсийг гаргахдаа  авлига авч байна гэсэн гомдол ихээр ирэх болсон байна. Үүнтэй холбогдуулан УИХ-ын гишүүн С.Одонтуяа АТГ-т хандан хүсэлт хүргүүлсэн байна.

С.Цог