Нийслэлийн МАН орон нутгийн сонгуульд оролцоно

Нийслэлийн Монгол Ардын Намын хорооны III хуралдаан өнөөдөр боллоо. Хуралдаанаар орон нутгийн сонгуульд оролцох шийдвэр гарган Нийслэлийн сонгуулийн хороонд хуулийн дагуу бичиг баримтаа хүргүүлэхээр болсон байна. 

 

Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн тухай хуулийн 28 дугаар зүйлийн 28.1 дэх заалт, Нийслэлийн МАН-ын хорооны Тэргүүлэгчдийн 11 тоот тогтоолоор батлагдсан сонгуульд нэр дэвшүүлэх, санал хураах, дүн гаргах журмын дагуу нэр дэвшүүлж, сонгуульд оролцох үйл ажиллагааг сайтар зохион байгуулж ажиллахыг хурлаас намын удирдлага үүрэг болгож тогтоол гаргажээ. Улмаарх хуулийн дагуу Нийслэлийн сонгуулийн хороонд оролцохоо илэрхийлэн саналаа хүргэх юм. 

О.ОНОН