Цахилгааны үнэ нэмэгдэхгүй

Эрчим хүчний зохицуулах хорооноос өнөөдөр мэдээлэл хийлээ. Мэдээллийн үеэр Эрчим хүчний зохицуулах хорооны дарга А.Тлейхан эрчим хүчний үнэ тарифыг ирэх аравдугаар сараас хоёр дахин нэмэгдэх тухай мэдээллийг үгүйсгэлээ.

Мөн тэрбээр “Агаарын бохирдлыг бууруулах зорилгын хүрээнд хэрэгждэг шөнийн цахилгааны тарифт хөнгөлөлтийг үргэлжлүүлнэ. Өнгөрсөн жил шөнийн тарифын хөнгөлөлтөд 160 орчим мянган орчим хэрэглэгч хамрагдаж, 11.6 тэрбум төгрөг зарцуулсан. Энэ жил үүнээс хоёр дахин их буюу 23.2 тэрбум төгрөг зарцуулах урьдчилсан тооцоо гарсан” хэмээлээ.

 

О.ОНОН