Худалдаачдад хууль эрх зүйн орчин үгүйлэгдэж байна гэв
Хурлаас гарсан шийдвэрээ төрийн өндөрлөгүүдэд хүргүүлэхээр зэхэж байгаа аж. Өмнө нь 2017 онд Монголын худалдаачдын холбоо анхдугаар хуралдаанаа хийж төрийн өндөрлөгүүдэд худалдааны үйл ажиллагааг зохион байгуулалтад оруулах, худалдаачдыг зохион байгуулалтад оруулах, тулгамдсан асуудлуудыг нь тодорхойлж тэднийг дэмжих ажлыг зохион байгуулах, эрхийнхээ төлөө тэмцэж буй иргэдээ хориглож, торгож, амжиргаанаас нь салгаж, өр зээлийн дарамтад оруулж байгаа үйл ажиллагаа даруй зогсоохыг шаардаж тухайн үеийн төрийн өндөрлөгүүдэд хандсан байдаг. Гэвч өнөөдрийн энэхүү шаардлагын ямар нэг арга хэмжээ аваагүй хэвээр байгаа аж. Иймээс өнөөдрийн хуралдаанаар худалдаа эрхлэгчид дахин саналаа нэгтгэн төрийн өндөрлөгүүдэд хандахаар болсон тухай Худалдаачдын холбооны Удирдах зөвлөлийн гишүүн Э.Урантөгс мэдээллээ.
Монгол Улсын эдийн засгийн нуруун дээрээ үүрч яваа хүмүүсийн нэгээхэн хэсэг бол худалдаачид. Иймээс худалдаачдын эрх ашгийн хамгаалах эрх зүйн орчин нэн чухал байгааг онцолж байлаа. Мөн дэлхийн ихэнх орнуудад жишгээр Монгол Улсад худалдааны яам байгуулах шаардлага тулгараад байгаа хэлж байв.
О.ОНОН
Оллоо.мн