Ц.Элбэгдоржтой холбоотой хэргийн үйлдэл, зүйлчлэлийн талаар мэдээлэл өгөхөд эрт байна гэв

Нийслэлийн прокурорын газраас  2020 оны гуравдугаар улирлын байдлаар хянаж шийдвэрлэгдсэн хэргийн талаар мэдээлэл хийлээ. 

Энэ үеэр Ерөнхийлөгч асан Ц.Элбэгдоржтой холбоотой хэргийн явц байдлын талаар тодруулахад Нийслэлийн прокурорын газрын ерөнхий прокурорын орлогч Ц.Насанбат “Ерөнхийлөгч асан Ц.Элбэгдоржтой холбоотой хэрэг мөрдөн байцаалтын ажиллагаанд шалгагдаж байгаа. Тодорхой шийдэл шийдэл гараагүй учир  үйлдэл, зүйлчлэлийн талаар мэдээлэл өгөхөд эрт байна” гэлээ. 

Сануулахад,  Ерөнхийлөгч асан Ц.Элбэгдоржид холбогдох хэргийн мөрдөн шалгах ажиллагаа дуусч, харьяаллын дагуу Нийслэлийн прокурорын газарт хэргийг шилжүүлсэн байна.

Түүнийг АТГ-аас Эрүүгийн хуулийн ерөнхий ангийн 1.8-1, 2002 оны Эрүүгийн хуулийн ерөнхий ангийн 35.6 дахь хэсэгт заасныг журамлан мөн хуулийн 263 дугаар зүйлийн 263.2 дахь хэсэгт зааснаар Нийслэлийн прокурорын газраас 2020 оны нэгдүгээр сарын 30-нд эрүүгийн хэрэг үүсгэн яллагдагчаар татсан. Хуулийн байгууллагаас яллагдагчаар татаж байгаагаа энэ оны нэгдүгээр сард албан ёсоор танилцуулах гэсэн боловч Ц.Элбэгдорж гадаад улс руу явсан байсан юм. Харин экс Ерөнхийлөгч Ц.Элбэгдорж Монголд ирснээр хэргийг үргэлжлүүлэн шалгаж байгаа  аж. 

 

О.ОНОН

Оллоо.мн

 

0 Сэтгэгдэл
Inline Feedbacks
View all comments
Back to top button