УИХ-ын ээлжит сонгуульд нэр дэвшигчийн үнэмлэхийг энэ сарын 10-нд олгож, нийтэд мэдээлнэ

Сонгуулийн ерөнхий хорооноос УИХ-ын 2024 оны ээлжит сонгуульд нэр дэвшигчээр бүртгэгдсэн иргэдэд зургаадугаар сарын 10-ны өдөр Нэр дэвшигчийн үнэмлэх олгож, нийтэд мэдээлнэ.

Нэр дэвшигчийн үнэмлэхийг 19 нам, хоёр эвслийн төлөөлөл тухайн өдрийн 08.00 цагаас эхлэн хүлээн авна. Бие даан нэр дэвшигчдийн тухайд өөрсдөө эсхүл өөрийг нь төлөөлөх хүн нэр дэвшигчийн үнэмлэхийг авах юм.

Сонгуулийн сурталчилгааг нэр дэвшигчид үнэмлэх олгосон өдөр (2024.06.10)-өөс эхлэн санал авах өдрөөс 24 цагийн өмнө (2024.06.26-ныг дуустал) зогсооно.

Монгол Улсын Их Хурлын сонгуулийн тухай хуульд зааснаар 2024 оны зургаадугаар сарын 10-ны өдрөөс эхлэн Авлигатай тэмцэх газар нэр дэвшигчдийн хөрөнгө орлогын мэдүүлгийг, Үндэсний аудитын газар нам, эвсэл болон бие даан нэр дэвшигчдийн сонгуулийн мөрийн хөтөлбөр, түүнд хийсэн дүгнэлтийг цахим хуудсандаа нээлттэй байршуулна.

Түүнчлэн Сонгуулийн ерөнхий хороо нэр дэвшигчдийн мэдээлэл, нам эвсэл, бие даан нэр дэвшигчдийн мөрийн хөтөлбөрийг https://m-election.mn/ цахим хуудсандаа байршуулах юм.

Эх сурвалж: Сонгуулийн Ерөнхий Хороо

1 Сэтгэгдэл
Inline Feedbacks
View all comments
zochin
9 days ago

Боловсролын т.н.б.дарга нэртэй том цүнх баригч, бөгс долоогч дунд үеийн том авилгач Ханджавын Батжаргалын нүүрсний олон тэрбум төгрөгөөр Жаргалантын аманд нууц ноёнтныхоо өчнөөн олон 10 хаус барьсныг Eрөнхий сайдаа шалгуулаач. Энэ мэт оаларуулаас болж манай нам энэ 2024 оны сонъгуульд ялагдаж наад хулгайч авилгачид бүгд шоронд орох болно. Та намынхаа авилгачидтай тэмцэж чадахгүй бол АН ялаад хийх болно доо. 

Back to top button