Зурагтын эцсээс ЧД-ийн 7 дугаар хороо хүртэлх авто замыг шинэчилнэ

Баянгол дүүрэг, Хувьсгалчдын гудамжны авто замын засвар шинэчлэлтийн ажлын нэгдүгээр хэсэг буюу Зурагтын эцсээс Чингэлтэй дүүргийн 7 дугаар хорооны авто зам хүртэлх хэсгийн засварын ажлыг

• 2024 оны есдүгээр сарын 13-ны өдрийн 22:00 цагаас
• 2024 оны есдүгээр сарын 16-ны өдрийн 06:00 цагийн хооронд хааж хэсэгчлэн засварлана.

Тус ажлын хүрээнд инженерийн шугам сүлжээний худгийн тагийг асфальтбетон хучилтын түвшинд тааруулах, хашлага солих, авто замын зорчих хэсгийн асфальтбетон хучилт, тэмдэг тэмдэглэгээний ажил хийх юм.

Иймд иргэд, жолооч та бүхэн бусад замыг сонгон хөдөлгөөнд оролцохыг Нийслэлийн Замын хөгжлийн газраас анхаарууллаа.