Б.Гантулга Ерөнхий сайдын зөвлөхийн ажлаасаа чөлөөлөгдөхийг хүсжээ

Ерөнхий сайдын Залуучуудын асуудал эрхэлсэн зөвлөхөөр Сэгс Цагаан Богд буюу Б.Гантулга ажилладаг. Гэвч тэрбээр ажлаа хүлээлгэн өгөхийг хүсжээ.

Энэ талаар Засгийн газрын Хэвлэл мэдээлэлтэй харилцах газрын дарга Т.Ганзул “Ерөнхий сайдын Залуучуудын асуудал эрхэлсэн зөвлөх Б.Гантулга өнөөдөр өөрийн хүсэлтээр чөлөөлөгдөх хүсэлтээ өгсөн” гэв. Б.Гантулга өнгөрөгч наймдугаар сараас дээрх албан тушаалд томилогдсон.

Ташрамд мэдээлэхэд, Б.Гантулга нь “Шинэ Монгол” технологийн коллежид англи хэлний багшаар ажилладаг. Дууны үг бичдэг.  Найзуудынхаа дунд дуу зохиодог байсан, түүнээс дуучин, олны танил болох зорилгоор дуу зохиож, дуулж эхлээгүй гэж тэр ярьжээ. Түүний Секс цагаан богд гэдэг нэрийг анх хамтлагийнх нь бөмбөрчин өгч байсан аж.